ذكريات وألم -الشاعرة دينا ربيع

من الصعب تحديد وجعك والأصعب شرحه
في أكتر من نوع من الذكريات
ذكريات بتمر مرور الكرام وبننساها
وذكريات بتمر ببطء وتعلم شويه
وذكريات مبتمرش أصلا وتفضل جواك
ده مش معناه انك منستش
لا
ده معناه انك اصلا مخطتش الخطوة ال بعد الموقف
في مواقف بتبقا جواك كأنها حصلت دلوقت
كأنك جواها
في حاجات بتحبسك فيها وده طبيعي لأنك وقتها مقدرتش تعمل حاجة غير سكوتك
محدش هيفهم وجعك ولا حد هيقدر هيحسه
ومحدش هيفهم انت ازاي معدتش لحد دلوقت
بس الأكيد بقا أن محدش هيقدر كمان يطيب خاطرك ولا يقف. جمبك
لانك مبتعملش حاجه غير انك تداري وجعك عشان محدش يسألك ويقولك
مالك؟!
الوقت مش دايما بينسي
ساعات كتير بيزود مش اكتر
معنديش حل غير اني اقاوح واقاوم وأكمل
بس اتمني ميجيش اليوم ال أقرر فيه الحل الأسهل.

بقلم / دينا ربيع