قصيدة خفيفة ع القلب
يالى حبك غرامى
خفى الخطى من حينا
الكل قلبه ب يشتاقلك
ياأم الخطى راسية
قلبى فى غرامك شبك
زى السمك فى الشبك
وأنا قلبى زى السمك
لو ساب الميه يموت
فى عشقك انا الهاوى
أنا الغاوى وانا الغازى
لكل حروب قلبك
ياأم الخطى راسية
خفى الخطى شوية
قلبى فى غرامك هلك
يا زارعة فى قلبى شوك
يطرح بقلبى ورد
اصل المحبة الود
وانا عمرى ما اتغير
بلاش الجفا منك
جربى وصال قلبى
هتشوفى معايا الفرح
وتنسى معايا الجرح
بس انتى وافقينى
ياقدرى ونصيبى
يا أم الخطى راسية
قلبى وعمرى بهديكى
وكل فرحى ملك ليكى
انا الطفل فى محرابك
لوازعل يوم تراضينى
وبأيدك تلاقينى ملكك
وقابل منك لتشكيلك
وقلبى حبك ومرتاحلك
بلاش تكونى سبب لعذابه
أنا قبلك كنت وحدانى
وكنت مهزوم من الليالى
بلاش تكونى السبب
فى ذلى وانكسارى
خليكى لأيامى فرحة
أحيي بغرامك قلبي
وخليكى فى الدنيا
سبب سعدى بغرامك
يا أم الخطى راسية
قلبى وعمرى بهديكى
وبترجاكى تكونيلى
اجمل فرحة لأيامى
وحبينى بكل مافيكى
وبوعدك ياساكنه وجدانى
عمرى يوم ما أبكيكى
ياأم الخطى راسية
حبك صبح ادمان
بترجاكى تعالجينى
بنظرة شوق وغرام
وعشان عيونك أتمنى
اجيب الدف والطبلة
وأعمل فرح واتزف
على أجمل ما فى الحى
يا أم الخطى راسية
بس انتى وافقينى
واسعدى قلبى وسنينى
حبك صبح ادمان
يا ساكنة جوه قلبى
من قبل ما تسكنى بالحى
جابر عطية
ليست هناك تعليقات:
إرسال تعليق