وصية ميت
وصية انا بوصيها
لكل واحد يعرفني
لما تنتهي أيامي
وروحي تصعد للباري
اعضائي اتبرع بيها
يمكن تساعد حد يكون
حياته تتعلق بيها
انا شفت حلم لكنه عجيب
روحي بتطلع من جسمي
حسيت بموت أجزائي
وكل جزء في ثانيه
بتتسحب روحي منه
فالحظه دي يا احبابي
بننسي العالم والدنيا
ونتابع التلج النازل
فكل جزء يموت منا
انا شوفت اهلي واحبابي
بيبكو ودموعهم سايلة
علي خدودي زي النار
وانا بموت عليهم
وبتابع الروح وطلوعها
بصيت عليهم وانا ببكي
كان نفسي اقول انسوني
انا خلاص بقيت ذكري
ولما وصلت روحي لفوق
وضلوعي ضاقت علي قلبي
وانا بتأمل ودموعي سايلة
اصعب وجع لما تابع
موت الجسد كله في ثانيه
لكنها بتمر عليك
سنين كتير وانت بتبكي
خلاص وصلت الروح لبريها
وعنيا بصت عليها
ودعتها ثانيه بثانيه
وروحي سكنت فوق جسدي
بتابع الجسد الفاني
ودموعي حبايبي ملحقاني
روحي محتارة في الدنيا
الكل متمسك بيها
واهو وانا فوق مش شايفه
غير الدموع والاحزان
وقلوب بتوجعها الفرقه
وقلوب شايلة الاحمال
والي يفكر فأولادي
مسكين مين يربيهم
وامي تاهت بتدور
ياناس قوليلي بنتي فين
وانا نفسي انزل احضنها
وأقولها بس ياامي
انا رايحه عند الي خلقني
ودا اكيد احلي مكان
واهو انا سايبه الدنيا
ووصيتي ليكم امانه
قولي لاهلي قبل الدفن
يتبرعو بجسدي الفاني
وبعدها صحيت من حلمي
ولقيت دموعي علي خدي
بقلمي
إكرام خليفة
ليست هناك تعليقات:
إرسال تعليق