أََحلی حِلْم -الشاعرة منى عبد الرحمن

أََحلی حِلْم

مَنْتَش بعيد
ولابِتفارِقني لَحظة واحدة عِيشْتَها
جُوايّا إنت وفِ الضلوع
فارِد قُلوعَ... وانا كُلِّي مِلْكَك
تَحْت طُوع
كُل الشُموع حَرَقْتها
عايِش فِ دمي ...ماانت هَمِّي
كل الأماني عشانك انتَ بِعْتَها
مَفْضِلش غيرَك....
خَط سيرَك....
والحياة جُوَّه عِينيك حَلِّفْتَها
تِفضَل تعيش جُوَّانا زىّ ماشُوفْتها
تِحلم مَعانا بالمعاني كُلَّها
واحْلم أنا
إنَّك أميري وخَط سِيري
وأحْلى حِلم
وأحْلى فيلم
أنا وأنت عِشْنا قِصِّتُه
كل المشاهِد كات نجوم مِتْفَصَّلَة
تِحكي حْكايِتْنا للبنات
تِسْهَر تِبات
تِرْوي حكايات مِتْوَصَّلَة
على بِنْت عاشِت طول سنينها
ف دُنيا واقفة ف لِيل و أَمْس
قابلت أمِيرْهَا وكان مَصِيرها
ف قلبه بس
وهيَّ كات مِستنياه......
شَافها القمر ....بَعَت الجَواب للشمس
إرْمِي خُيوطِك واربطي القلبين
بِدمع العين
وفِضْلوا على خَط الحَنين واقفين
لاعاشوا الحُب والأشواق
ولا قادرين يعيشوا فُراق
على خَط الحَنين واقفين

منى عبد الرحمن