إسمعني يا خال
حاسب لتقع
بين الأحزان
لو سقطت ايه ينجيك
يا خال اسمعني
كله بيعدي
أحزنا.... أفرحنا
حتي أعمرنا
كله بيعدي عادي
كل بيعدي علي أرواحنا
بياخد من أحلامنا
بيسرق ضحكتنا
اوعي يا خال
تسيب فرحة ولو مسروقة
اخطفها خبيها
بين ضلوعك اخفيها
اتمسك بيها
حتي لو بهتانه
أتغصب و أفرحها
بكرة يطلع نهار
وتشرق شمس تدفي الليل
تمسح دمعة نجمة حزنانة
تدفي قلبك يا خال
اوعاك تسقط في بير الأحزان
وفي طريقك
حاسب يا خال
الطريق واعر
مليان تعابين وعقارب
لونهم جميل زاهي
تعجبك نعومتهم
ولسانهم المعسول
تجرب تقرب
تتلدع ولا ليك
ديه
لكن في وسط سكتك
هتلاقي قلوب
تعبانة
طبطب وامسح دمعة حيرانة
أوعاك تقسي
علي القلوب
في ناس من كلمة بتنشرخ
هتصادف كمان
وكمان
وكلمة أخيرة..
ولا لها تاني
أوعاك تفرط في اللى شيفك دنيته فرحته
قلب أخضر
اوعاك تجرحه
جواك دفيه
منى محمد رزق
روعة
ردحذفجميلة
ردحذفدايما متالقة
ردحذف