مسابقة مجلة نبرات المداد لايف للشعر
كام
كام كلام جانيمن غيره وِعَدْى
وراح....
بعد آخر كِلمته..
وكام نظرة عدت
قُبَالي
مِسا وصباح
بعد آخر نظرتة....
وكام ضحكة رنت
في وداني..
بعد آخر ضحكته
وكام بسمة هَلِّتْ
في لياليا وأيامي
بعد آخر بسمته..
وكام ضمة ضمتها
في أحضاني...
بعد آخر ضمته..
وكام لمسة إيد
حنينة غيره لمسهاني
بعد حنية لمستة...
ولا ده كله كان بيهنالي
من غير حبيبي الغالي
اللي مني الدنيا
خدته..
وودته لحد تاني
وفي سكته حطته
وسبتني مشغول
فكري عليه وبالي
لا رحمتني الدنيا
ولا رحمته...
لما حرمتني منه
ومني حرمته ..
وافترقنا
وإحنا في أول
مشوارنا
وبعد ما هُوَّ حبني
و أنا حَبِتُه...
وقلوبنا لسه متعلقة
ببعض رغم
إنه هُوَّ راح
عني في سكة تانية..
وأنا لسه واقف
مستني رجعته
لسكتي عن سكته
ويمكن ترق الدنيا
لينا وترجعه ليا
وتاخدني تاني
في سكته...
وكام بعده حب جاني
ولا شغل فكري وبالي
ولا حسيت بطعم
هنا الحب
إلا في دنيته
ولا نَسَّانِي حد تاني
حبه لِيَّا ونظرته..
ولهفته...
وضمته....
ونظرته....
وبسمته...
وضحكته ..
وكلمته...
ولسه باتمني يرجع
ليا تاني
وأ عيش من تاني
دنيته...
ونبقى زي زمان
من تاتي
أنا حاله
وهو حالى ..
ولا يفرقنا حد تاني
ولاياخده من سكتي
و سكته ودنيتي
ودنيته ...
ويسبني واقف
لحالي...
في سكته ..
أدور عليه
وأنشغل بيه
ولا غيره يهنالي
ولا يروقلي حالي
إلا برجعته...
محمد عبد النعيم
بالتوفيق شاعرنا
ردحذف