أََصْل الأيام
مِن أَوِّل نُور بِيْبُص بقلبُه على الدنيا
وانا حاسَّة بأزمة مع الثانية
بِتْمُر ساعات
أَصْلَها بالذات
أنا بَحْسِب بيها سنين العمر
أوام بِتْمُر
لكن يومي
كات واقفة ساعاته بْتِتْأََمَّر
عَمَّالة بتِحْسِب وبتُأْمُر
وبترجع دُوغري على امبارِح
قلبها سارِح
ف ليالي بتِجْري مع نجومها
تتنطط ف قلوب صَايْنِنْها
كُلُّه امبارِح
لكن يومي
واقِف
خاطِف
م القلب عيُونُه وتَقَاطِيعُه
حالِف لَوْ يُوم بَاعُه يْبِيعُه
أصْل الأيام
يااااااااسلاااااااااام
مَالهُومْش أمان
يوم حاسِس دايما بالسِكة
واقف وحزين
يوم تاني ماليان بالضحكة
بيعوض عُمرَك حُزن سنين
وأنا يومي كان حاسِس جدا
بالسِكَّة وطولها ومشاويرها
واقِف عند النُقطة الأولى
بكل سهولة
عاوز يرْجَع
لليالي بتجرى مع نْجُومْها
سهرانة بتضحك لعيونها
لكن مِتْقَيِّد مُش قادِر
خايف لا الأمس يكون غادِر
أصْل الأيام
يااااااااسلااااااااااام
مالهُومش أمان
منى عبد الرحمن
ليست هناك تعليقات:
إرسال تعليق