عندما تتعامدُ الشمسُ على الأرواحِ تَفِرُ القلوبُ المُعتمه .
قُمار ب الجِسم
مش واحده الجنَّهممكن تظهر لك جنَّه .. ف قلب
لو تخدشها
تفضل على طول حاسس بالذنب
وان قربتلها
كفايه يادوب إنك تتمنى
تلاقيها ب تتمشّى ف دمك
وتغطّى كفوف روحك .. ب الحِنّه .
مش واحده الجنه
انت اللى عيونك يمكن ماشافتهاش
أو كانت غاليه ..
ف وقت ما كل النار ب بلاش .
أو إنك لسه مُصِرّ يكون قلبك مش حُر
أو عِشرَه طويله .. ب تجمع أحلامك .. والمُر
مش هاينه عليك .
أو إنك متسمّر .. أسفل رجليك
والدنيا براح
مش قادر تتخيّل روحك ترتاح
ف بطاقه جديده ..
بدون عنوان .. ولا إسم
مش لعب قمار بالجسم
النور فى التَوّ .. ح يدخل ف الشبّاك
عاشق .. معشوق
وتحس ف لحظه ان انت بقيت أجمل مخلوق .
مش صعبه الجنه
الصعب أن احنا عشقنا النار
وبقينا ب ندخل جوّاها ونشرب بنزين
على أى عذاب ب نقولوا آمين
والحَلْق ب يصرخ .. طالب نقطة مَيَّه
فاصل .. يرتاح م النار الجايَّه
ويخش عليها بكل عزيمه !!
متقبّل أى هزيمه !!
ويفتّش عنها !!
إذا كانت مش موجوده !!
يشبه للدوده
لو طلعت بره شقوق الأرض تموت
واذا فضلت جوه الشق ..
الروح ب تموت .
إنسان بَسكوت
الطعم مسكّر .. لكن هَش
من غير إحساس ف القلب القَش
إتمدد ؟ جايز .. لكن كَش
مع أول نقطة مَيَّه .. يحس ب شوق للنار !!
قلبُه المسطول .. ترابيزه .. ف بار !!
ب يعيش كما قرد ب يتنطط
ويموت .. كَ ..... حمار .
خالد عاطف أبو العزم
( من ديوان مشروع إله )
ليست هناك تعليقات:
إرسال تعليق