قصيدة كش ملك ياشاعر
كش ملك ياشاعر وبلاش فينا تجريح
احنا شعبك احنا ناسك احنا حراسك
بلاش تحسب غلط وتتهور على ناسك
احنا اللى بنمجدك وبنعلى فى نجومك
خاف علينا حطنا فى عيونك سمعنا شعرك
اللى بيه فينا تمدح وحذارى يوم فقير تذكر
ساعتها هنقلك كش ملك ونقيم عليك الحد
احنا اللى عملناك بفلوسنا عايش ومتمتع
بلاش فى يوم تتهور ويغرك رعاع الناس
اوعه تقول دول هما سندى او عزوتى وناسي
احنا ليك العزوة واحنا ليك السند وكله بالمستند
فاكر فقرك و عيشتك طول عمرك وانته وحيد
عايش مستنى فرصة ومعلق امالك على شوية صعاليك
فبلاش تتكبر علينا وكش ملك يا شاعرنا وخليك معانا
قول شعرك وسمع بيه اللى تحب بس اوعه فى يوم تتغر
وتقول خلاص كل الناس عرفتنى راح أعلى صوتى من غير خوف
راح أقول الشعر اللى صوتى بيه مكتوم راح انصف بيه المظلوم
راح اخلى شعرى يكون هواالفارس اللى بيه يرجع الحق للمظلوم
ساعتها حنقلك كش ملك ياشاعر وممكن كمان تموت
طول ما أنت معانا ماشى مظبوط وبتقول كلامنا بالمظبوط
هنشيلك من على الأرض شيل ومع رؤساءنا هتقعد
وهنخليك على الغلابة كبير وتغنلهم كلام يعجبهم
وهيسقفولك وهيشلوك من على الأرض شيل
وزى معلمنا ك تجاملنا بكلامك جاملهم وخليهم ديما حواليك
تقول الشعر يحلالهم و زى ما عملناك عليهم ريس
عملنا زيك معاهم يشجعوك طول ماانت معانا
بأشارة منا هنخليك تقول الشعر ونكون كمان راضيين عليك
ولو تفكر يوم بشعرك تهاجينا راح نقلب عليك المسرح
ونقولك كش يا ملك وترجع من تانى مع الغلابة صعلوك
اصل احنا يا بنى الأصل احنا النظام اللى لو ساب المشهد
الخراب هيحل فخليك راضى بموايدنا وانعم بجنتناوخليك شاعرنا
وطول الوقت قول الشعر اللى يرضيناويرضيهم واحفظ مقامك
ولو يوم حبيت تتغر وتقول شعر من راسك وعلى كيفك
هتلاقينا بنقلك كش ياملك وانزل من على المسرح ووسع لملك غيرك
خلاص دورك خلص وهيجى من بعدك الف واحد غيرك
ويقول شعر فى اسياده اللى يغرقوه فى العز ولوفكر فى يوم يغلط
اومره يمشى بدماغه فى ساعتها هيلاقى برضه اللى يقله كش يا ملك
اهداءالى شاعر العامية وال
كش يا ملك
جابر عطية
ليست هناك تعليقات:
إرسال تعليق