عديت الخمسين-مسابقة نبرات المداد لايف،الشاعرة مى ابراهيم القاضى

 مسابقة نبرات المداد
قصيدة عامية بعنوان

عديت الخمسين

لقيتها ..سرحانة ..وشاردة وعلي جنب كدة لحالها واخدة
بس برده في عيوني أحلي ...........وأغلي....... وردة
قلتلها يا امّة ..............مالك
أحكي. قولي مين شغل.... يا غالية بالك؟؟
قالتلي.... تصدق........... النهاردة
عديت الخمسين وفوقيهم كمان ستة
قولتلها دا اللي شاغلك !!
علشان كده يا امّة ساكتةوالله كل ماتكبري بشوفك
يا امّة بشوفك أحلي...... وأحلي
عناقيد دهب كل يوم بتزيد و تغلي
قلبك مهما كبر يا امّة هيفضل زرع أخضر
طفل طيب بيسامح ويغفر
ولاَّ وشِّك... أقول الحقيقه ولاَّ اغشك؟؟؟؟
نهر فيه الخير بيجري فاكره كبرتي ههههه
يا امّة قومي لسه بدري
عمرك شفتي دهب يوم ....بيرخص
عمرك كده كل يوم عندي .....أغلي
كنز غالي عمره يوم يا غالية ما يخلص
ضحكتي..يا امّة ولا تكوني زعلانه من الشعر الأبيض!!!
دي جدايل فضة يا امّة
يرويها خضار عيونك وطيبة ملامحك
دا أنتِ الغالية. أنت قلبي ونور عنية
قاعدة ساكتة علشان فات
خمسين وفوقيهم لسة ستة طيب عقبال ما تعيشي
يا امّة وتشوفي أحفادك حواليكي دستة
فرحانين متجمعين مالين عليكي الدار فرح وهنا
دا العمر يا امّة عمره ماكان بالسنين
العمر بفرح القلب الأخضر
وما يزودوش غير القلب الحزين
دا القمر كل مايكبر بينور.....الدنيا أكتر
كل سنة وأنتِ غالية يا امّة
فرحانة وطيبة ضحكتك من القلب طالعة
قومي يلا وطفي أحلي......... شمعة

بقلمي /مي ابراهيم القاضي