قاموس الشر-الشاعر على أبو بكر

قاموس الشر 

طول عمري عايش
تحت خط القهر
دبلان يا حلمي اللي اتولد
والفقر بيجيب فقر
ايه يعني فاتت في السكك مشاوير
فاتك كمان في الدنيا مليون قطر
ووقفت ياما في رحلتك طوابير
مالحقت منهم غير سبنسة صبر
ايه يعني تندم او تعيش مضطر
ايه يعني بحرك
لو يكون بلا بر
طب ما انت عمرك
عايشه كله بأمر
فاسكت وكمل سكتك
شوف اللي باقي في دنيتك
حبة كلام ويا انهزام
وبواقي شاحبه في ضحكتك
مهزومه لكن في الهزايم سر
والسر مدفون من زمن
ولا عمره يوم هيقر
هتموت بلا سيره وتاريخ
كتكتوت وخارج لسه م التفريخ
معدوم في لحظة م الحياه بتعيش
الدنيا واخداك م الوجود بقشيش
سقياك مرار المر
والنعي مش لاقي المكان
ما انت حياتك كلها
مكتوبه بس في سطر
والسطر كان من غير حروف
من غير نقط
انسان ولاغي من قاموسه الشر

علي ابوبكر

26/7/2028