عايشين دنيا
عايشين دنيا
ومش عايشين أيه قدِمنا
عشان الدين
أيه الفكره
بكل حياتنا نعرف حتى
نفيد تانيين
ربك قالِنا
أُمة خير أُمه عفيّه
ومهما الليل
طال بزياده
وعِشنا بغابه
من كام واحد طوّع دين
بص لروحك
إنسى جروحك
خلي النفخه بتعلى الطين
لمسة ربك
ليك يا حبيبي
إوعك تنسى دا التكريم
خليك آمر
مش مأمور
كلمة عُرف تساوي الكون
خليك فكره
تفضل ذكرى
زي النهر بيروي سنين
خليك عارف
إن العُمر خلاص بيشارف
شوف أيه ردك بين ملكين
خليك عامل
بوصله تدلك مش هتذلك
ويّا شِّمال خليك فى يمين
خلي لوِردك
فتره ياروحي بُص
لشمس وليل سايرين
بُص لعاصي
واحمِد ربك
إنُه عافاك متكونش سجين
والله الذنب
دا سجن لنفسك
ويّا قرين
مش هيسيبك
تِهنى بحبِة راحة بال
راحت لذّه وبات سجان
قولي رسالتك
أيه فى الدنيا
سلبي إيجابي
دا انتا فى أُمه
عايزه شبابها
تبُص لقدوه
عايزه حياتهُم
زي الشُعله شُعلة نور
لِحيّارى فى غُربه
بُص لبُكره مش للأمس
إوعك ياكُل منك يأس
إوعى تقول
انا فرد فى أُمه
أيه هتسوّي
صرخة نفس
وِسط الخوف
أو وِسط اللبسّ
بينها هويه وحاجة عصر
إنسى تخاذُل
إوعى جّادل
نسمه × نسمه بيعلَى البحر
حفزّ قلبك
يلّا وسيبك
أيه هيصيبك بعد نصيبك
أيه غير موته
بس النصر
أو نور منهج نوّر قبرك
حتى الفصل
إوعى تقولي طب أنا واحد
وِسط تلامذه
داخل فصل
خليك لين زي الميّه
تشُق فى صخر
خليك جذوه
هوا التلج يسيّح بالكسر
ولّا يفيض
بشُعاع الشمس
خليك زيُّه تمحي الظُلمه
جوه قلوب
محتاجه اللمس
إوعك تنسى إن القِصه
لسا ولسا
فيها بدايه لينا وبس
فجأه الدُنيا
ندهت لينا
قُمنا شردّنا
عنُّه السطر قاموا اخوانّا
أخدوا الفُرصه
واحنا بقينا
نُقطه فى سطر
حتى النُقطه
جابت جلطه
من كاْم دور
نلعب كومبارس
وآدي حياتنا
بعد رياده
ناخُد درس وأسوء درس
أحمد الصاوي
مصر ١٥ / ٧ / ٢٠٢٠
دام مداد حرفك
ردحذف