مشاعر بريئة
الحلقة 12احتضن حازم اخته وقال لها اهدي بس وقوليلي مالك ونور دموعها تهطل كالمطر والكلام يخرج منها متهدج مبعثر واخيرا فهم منها الذي حدث فطمأنها وقال لها وعرفتي سبب رفض والدها ليا بالشكل المتعنت دة فردت عليه قائلة علشان انت ....فاكمل معاق فقالت له أرجوك متزعلش نفسك أنا السبب دخلت الفكرة جواك بالعافية فقاطعها لا يا نور انتي ملكيش ذنب انا لو مش معجب بهدي كان ولا مليون يقدروا يغيروا رأيي انا معجب بيها من فترة واتأكدت من اعجابي دة في اجازة الدراسة لما كنت بتمني أشوفها وافضل أتخيل صورتها وادعي ربنا يقصر الاجازة علشان أرجع أشوفها فردت عليه نور بس انت مكنتش مبين اي حاجة وخليت هدي تتألم لوحدها ووقفت ضد والدها لوحدها واهو قلب عليها وعليك فقال حازم نور حبيبتي ربنا لو عايز يجمعني انا وهدي مع بعض اكيد دة هيحصل حتي لو كل الدنيا وقفت ضدنا فقالت نور ونعم بالله ثم نظرت له وقالت طيب متتجوزها وتجيبها هنا نعيش مع بعض احنا التلاتة علشان ابوها محدش يضمن هيعمل فيها ايه فنظر لها حازم نظرة ذات معني وقال لو جه واحد يخطبك وانا موفقتش بس انت عايزاة هتتجوزيه غصب عني نظرت نور في الأرض وقالت أنا أسفة مكنتش أقصد انا كل همي اطمن عليك انت وهدي ربت علي رأسها مبتسما وقال هيحصل باذن الله بس بالعقل مش بقلة الأصل والجنان فضحكت وقالت طيب هنعمل ايه دلوأتي رد عليها بجديه وقال عادي جدا هنروح بكره في الميعاد المحدد ونطلب هدي ومتفكريش في نتيجة الزيارة مقدما سيبي الخطوات تيجي ورا بعضها نظرت نور لاخيها نظرة اعجاب وفخر وقالت أنا محظوظة بيك ربنا يحفظك ليا فرد عليها ماشي يا اونطجيه روحي نامي ومتعطلنيش أكتر من كدة ورايا شغل وعند حمزه جالس الفرحة مش سايعاه أخيرا هيحقق حلمه وهدي تبقي من نصيبه فتنهد وقال اخيرا يا ام حمزة ابنك هيطول القمر بإيده امتي يجي يوم الخميس فردت عليه امه هدي مجتش تسلم علينا ليه واحنا عندهم فرد عليها أكيد اتكسفت انتي متتخيليش خجلها وأدبها ورقتها دي ملاك يا امي فعلقت امه علي كلامه قائله ربنا ييسرلك اللي فيه الخير يا حمزه يا بني وعند هدي استيقظت وارتدت ملابسها وخرجت لامها تسألها بابا فين يا ماما ردت عليها امها بحزن علي ما أصاب علاقة زوجها وابنتها ببعض وقالت خرج يا حبيبتي يله افطري وروحي جامعتك فقالت هدي مليش نفس انا هنزل احسن اتأخر وقبلت امها وانصرفت وعند وصولها للجامعة كان هناك .
ليست هناك تعليقات:
إرسال تعليق