إِمْضَاء مُنَى -الشاعرة منى عبد الرحمن

إِمْضَاء مُنَى

لَوْ هاوْصِفَك
مِحْتاجَة قَلب يكون كِبير
علشان يِحِسَّك بالأََوي
وتكون شَوارْعُه سِكِّتَك
علی إمِّتُه مزروعة صُورة
واصِفْلِي فيها خَطْوِتَك
وحِيطانُة مَنْقوشَة هَنا
وهْناك.... هِنا ضِحْكِة مُنَى
والرُكْنَة دي
مرسوم عليها قلب طارِح كلمتين
إنت وانا
مَعقولة دي قلبي أنا
آاه يازمن.... قلبي أنا
لَوْ هاوْصِفَك
مِحْتاجَة روحي تكون جِناح
تاخْدَك لفوق سابع سَما
نِحْكِي كلام للشوق مُبَاح
فيه الحياة متبسمة
وأعيش معَاك لَحْظِةْ حياة
فى حُضن كوكب قَلَّمَا
يِفْتَح بِيبَانُه للعيون
واكتب على قلب النجوم
إمضاء حَبيبة مُلْهَمَه
إِمْضَاء مُنَى

منى عبد الرحمن