مشاعر بريئة -الكاتبة سالى محمد

مشاعر بريئة

 الحلقة 13

وصلت هدي عند باب الجامعة وكانت هناك ثلاث أذواج من العيون في انتظارها والدها الذي أوجعه قلبه لتركه لها وعدم توصيلها وقف بعيدا حتي يطمئن علي وصولها وحازم الذي يقف في شباك حجرته وعينه مركزه علي باب الجامعة ليطمئن عليها بعد حكي نور أمس عن تألمها وبكائها وحمزه الذي وقف قلبه ينبض حبا وعشقا لفتاة هي عنده بالدنيا وما فيها عند قدومها نحوه اقترب بلهفه وهو مبتسم والقي عليها التحيه وسألها جايه لوحدك ليه فين بابا ردت عليه محاوله اخفاء حزنها عنده شغل فقال حازم أنا كنت بطمن عليكي وهو بيوصلك كده هقلق عليكي فابتسمت بأسي وقالت مش أنا كبيرة والمفروض اعتمد علي نفسي مش ده كلامك فضحك وقال تصدقي صح وسارا معا داخل الجامعة تحت عيون يتآاكل قلب صاحبها غيره وحزن فحبيبته رغم انكاره لهذا التصريح نعم هي حبيبته تكاد تضيع منه وتذهب لأخر تنهد ودعي ربه ان يقويه ويمده العون في ما انتوي عمله ويعوضه خير نرجع لحمزه وهدي اقترح حمزه علي هدي التوجه للكاڤيتريا لربع ساعة فقط لانه يريد الحديث معها فوافقت وهناك جلس امامها وقال ليه مخرجتيش تسلمي علي أمي امبارح كانت نفسها تشوف اللي مجننه ابنها وقلبت كيانه هنا نظرت هدي لأسفل واحمر وجهها من كلام حمزة فبمجرد لقائه مع والدها تجرأ وباح بما في دواخله ماذا تفعل وكيف تتصرف فاقت علي صوته ايه روحتي فين فنظرت له وقالت حمزه انا عايزه اقولك حاجه بس أرجوك متزعلش مني هنا نظر حمزه لها بقلق وتوجس فقلبه يخبره انه سوف يسمع ما يؤلم ولكنه تصنع الهدوء ورد عليها مبتسما اتكلمي انا سامعك وعمري ما هزعل منك هنا اتفتحت هدي في البكاء وبدأت تحكي من حبها لحازم لحد معاملة والدها الجافة لها مرورا باحراجه لها بمجيئه مع والدته وخطبته لها هنا زهل حمزه وقال لها ازاي ابوكي يعمل كده يوافق عليا لمجرد انه مش عايز حازم طيب ومشاعرك انتي فين انا كنت فاكره بيحبك طلع أناني ومش بيفكر في سعادتك نده اسمها بحده هدي اسمعي انا مش جاي يوم الخميس هكلم والدك واعتذر له بس انت هتعملي ايه وحازم ده موقفه ايه بيحبك ولا دي مشاعر من طرف واحد لازم تتأكدي انه بيحبك علشان تعرفوا تتصرفوا وتقنعوا والدك اللي اتصدمت فيه صدمه عمري رافض حازم لمجرد اعاقه فيه معطلتهوش عن النجاح والتفوق بل قوته وزادته احترام هنا هدي تنظر لحمزه ببلاهه فهي مستغربه رده فعله فأحس بما يدور داخلها وقال ايه كنتي فكراني هصمم واتجوزك غصب عنك.