وِخْسِرت أنا -الشاعرة منى عبد الرحمن

وِخْسِرت أنا

أََهُون عَلِيك
تِكْسَر بخاطِر حُبِّنا
وتْخُض قلبي تْخَوِّفُه
عَدِّيت على ٦٠قَنا
بَصِّيت لِقَلبَك احَلِّفُه
لِيه كُل دَا
مادِّيت إيدين الشُوق إليك
وهادِيت عِنِيك
غِنوِةْ حنين مِتْلَحَنَة
وراهِنت بالأشواق عَلِيك
وخْسِرت انا
كِسِبْت إيه
غِير الفُراق
وقَلب داق
طَعْم الهزيمة والوَجَع
لَفْ ورَجَع
من غير حَنين
وتَحَدِّي هايْكَسَّر عنادَك
حِتتين
وتْهُون عَلِيه
وينْشَف الدمع ف عِنِيه
ويُصْرُخ الدَّم ف عُروقي
وينْدِبِح جُوَّايا شُوقي
تهون عليه
كِده زيّ قلبي ماهان علِيك

منى عبد الرحمن