إضحك من القلب -الشاعر جابر عطية

فاكك جدار الفك
ع الضحكة براح
مالى قلب الناس
فرح مكشوف
حالف يمين يلتزم
يدارى الجراح م الناس
حالف ل يضحك
من غير خوف
صايب جميع الناس
ليه لعنة التكشيرة
ليه لما ضحكت انا
مَ لَقِتش قلب براح
جميلة الضحكة
والله ياخلق الله
تدارى هموم ولوبالكوم
وجراح سكاكين
بتجرح فينا تقطعنا
وبنظرة بطيئةتموتنا
عيون الناس هى
السكاكين المسنونة
بتقطع فينا تخلينا
نبات الليل مع حكاوينا
الهم فينا خلاص ساكن
مِصاحبنادايماًطول الليل
والصبح بيعشق منا
تفاصيل التكشيرة
لسه يدوب بتقابل اليوم
ب شمس صباحك
نفسك تضحك ف بتتخان
من وسواس شيطانى
فارد ع الوش هموم
بالكوم من كام لون
والسيرة حرام لو
ع الالوان ذنبها ايه
الوان الطيف معروفة سبعة
وبتحرق من اول لسعة
لويتجمعوا تحت العدسة
الثابت فى القصة وآلامها
شعاع الشمس اللى ينور كون
هو اللى بيئذى برغم الدفا والنور
والشوف معروف لدى كل الناس
ينبض احساس الضحكة الموعودة
وانا كلى آلام وبدارى
الجرح المتشاف
ببواقى الضحكة المفكوكة
ب صرخة مابين فكين
أعمل إيه ما انا زى الناس
عايز ادارى التكشيرة
والحرب الدايرة مابين
الرزق وشيل الهم
صعبة تخلى الضحك تملى
مرسوم ع الوش
طب ادونى تفويض
اقاتل الهم والآحزان
اصنع ضحكة تدارى
هموم كل الشقيان
اكفى وأشَبع بيها بِطُون
فقير عطشان وجعان
ولا عمرى كمان أزعلكم
دى تهون الدنيا عشانكم
راح اعمل كل المجهود
والصالح العام والمظبوط
بس ادونى قوام تفويض
علنى وقدام العالم
وانا اخلى الضحكة الحلوة
موجودة على طول
والصبر ياريت تخدوه
قدوة من نبينا أيوب
الصبر جميل ومعاه
حكمة تملى تقول
اللى حيضحك ولو بالغصب
عمره فى يوم مايموت

جابر 

إضحك سيبك م الهم يا عم