موال
خسيس ياناس
جابه الزمان
وعيشوا بينا
في صورة جدع
أصيل يا ناس
وعيشوا بينا
فلوسه كانت
كتير
لم بيها حواليه
ناس كتير
منا
وخد تحويشة
العمر كلها
منا
وقالنا بكره
تخدوها
زيادة منا
وقلنا وماله
أهو واحد خلاه
الزمان بينا ومنا
واللي عنده يزيد
ولا ينقص جنيه
منا
لكن الخسيس
خسيس مهما
شوفناه أصيل
بينا
ولا افتكرناش إنه
خسته وغدره
قريبين منا
صبح نهار علينا
ملقنهوش بينا
خد فلوسنا وطار
بعيد بعيد عنا
كأنه فص ملح
وداب منا
وساب لينا ياناس
ندم وحسرة
على اللي راح منا
وقلنا تاني ياناس
لا نآمن
لخسيس
ولا نخليه يعيش
بينا
مهما كانت فلوسه
كتير
ومها بان بوش
أصيل بينا ...
محمد عبد النعيم
٢٠٢٠/٥/٢٦م
ليست هناك تعليقات:
إرسال تعليق