الحياة - الشاعر سعيد عزب

الحياة

الحياة مش ...

حروف متقطعة ...

والحروف وحدها....

.مالهاش معانى

والسطور من غير كلام

.مالهاش لزوم

الحرف جنب الحرف

يخلق كلام

والكلمه جنب الكلمه

.تعزف سلام

والكلام من غير مانقصد

.ساعات بيجرح

والمعانى لك وليا

من غير مانشرح

ليها عندى وعندك الف مطرح

في ناس كلامها .....أذى

وناس سكوتها ......دوا

وناس تبيع الهوى

من غير حانوت

والقلوب من غير محبه

.مش قلوب

الحجر له لازمه عنها

بالمحبه يمكن يدوب

نزرع بالكلام موده

تطرح ورود

والكلام من غير مانعرف

صاحبه مين

تلقى القلب راحله

حالف يمين

د الكلام الحلو رحته

اطيب م العطور

سعيد عزب