قلمي رصاص
إتعلمت في سن صغير
أقدر أرسم وأقدر اعبر
كل سلاحي كان برصاص
أرسم وأحدد وبإخلاص
أرسم صورة بسن رصاص
كان الرسم غاية وبإحساس
إتعلمت أكتب خطي في الكتاب
وحفظ القرآن كان علي لوح
مش في كتاب أكتب وأقرأ
علي أيد مشايخنا في الكتاتيب
قلمي رصاص وبإحساس
شايله ونيس وخير جليس
ماكنتش أعرف انه بيقتل
بيقتل كل مشاعر الناس
لو سخرته في سيرة الناس
كنت صغير مااعرفش القتل
ولا حتي مشاعر او إحساس
ولما كبرت شويه كنت بحس
إن كلامنا كله جناس
قلمي رصاص مابيقتلش
ولابيلوس في الإحساس
حتي عرفت لما كبرت
إن حياتنا رصاص ف رصاص
أقتل أخويابطلقه رصاص
واستخدمهافي سفك الدم
وقتل الحب وظلم الناس
وقتل الحس والإحساس
قلمي رصاص يكتب بس
أويرسم صوره و بإحساس
كل سلاحي وذخيرتي الحيه
ومسخرها في حب الناس
مش للقتل وسفك الدم
وظلم النفس من غير إحساس
صوره تعبر ع التغيير
كلمه تقول وتعلي ضمير
تصحي الناس لوتايهين
شوفتوا سلاحي دايما واعي
لما بقول قلمي رصاص
إوعه تخاف م الإحساس
قلمي رصاص مابيقتلش
جواك إحساس حسوا ياناس
كل كلامنا جناس في جناس
أبيض ناصع زي الماس
إوعه تقولي كلامنا مجاز
محمدزايد
ليست هناك تعليقات:
إرسال تعليق