《 بعد الهجر 》
بعد الهجر سنين ولياليجاي تقولي إزاي أنا مالي
الهجر كان صعب عليا
حيرني وإتغيرت أحوالي
إنت اللي ودعت هوايا
وإخترت البعد وآسايا
وإستنيت سنين وأيام
حاضن شوقي جوايا
ويوم ورا يوم ورا يوم
خاصم عيني حتى النوم
وجاي النهاردة تقولي
وتعتب عليا كمان وتلوم
أنا كمان إتعودت على بعادك
مش عاوز لومك ولا عنادك
خليك هناك وأنا برضو هنا
أنا رافض فعلا كل ودادك
بعد الهجر فيه إيه إيه تاني
لا أنا هشوفك ولا تلقاني
كله راح أيوة مع اللي راح
وأنا كمان مش لاقي مكاني
《 جمال رمضان 》
ليست هناك تعليقات:
إرسال تعليق