‏‏‏ولسه باقي خطاوي - الشاعر محمود فهمى

‏‏‏ولسه باقي خطاوي

‏‏‏ولسه باقي خطاوي
و بعافر ،
ولسه عيونها
سايعه الضي
ولسه حلمي
متعبش من المشاوير
ولسه طيفها
طاقه نور
برغم الضلمه
جوانا كسرانا
برغم سوط
ع الرقاب جلاد
وصرخه طفل
متيتم
تشق الصمت
جوانا في عز الليل
لسه الحلم بيعافر
مستني
بزوغ الشمس
ويضلل
ع كل البيوت
كشجره توت
في عز الحر نسمايه
ومهما الشر
يتحالف بحلفلك
اكون فارس ع ترابك
اكون حارس ع بابك
وامسح عرقك
من ع جبينك
وابدل حزن
انا عيونك
برغم العمر
بيعدي
وبتتغير
كده ملامحي
راسمه
حروف جرحي
ومهما ملامح كتير
ع خيالي بتعدي
لكن ملامحك
وشم عنيد
محفور
بمسامات جلدي

محمود فهمي