كل يوم دكتور يموت - الشاعر احمد الصاوى

 كل يوم دكتور يموت 

صرخوا الدكاتره
ومن قنوط
كل يوم دُكتور يموت
أيه السبب ليه السكوت
ليه صُراخنا فيه خفوت
ليه تسيبني ليه أموت
عُمر منخافوا الأجل
بس ناخُد بالسبب
بلاش تسيبني فى بحر راح
منُه الشطوط
وتقولي داوي وبالضغوط
كنت وفرلي الشروط
كنت وفرلي الأمان
مش تمجد أو تضيف
ليّه النعوت
ليه تهادي بالحياه
ومفيش هنا إلا الحنوط
أو كمامه بنرتديها
ولما نكتب أو ننادي
تتهمني بانتمائي
لأ بنادي بعلو صوت
انتماء بيقول بلادي
وليه تخلي جرائنا
تنبح فى السعادي
ليل نهار ونغمه واحده
إجلدوهُم إشنقوهُم
إستحاله يكون دا مصري
دا عميل لازم يموت
يبقى عِبّره لكل خاين
لو يفكر يوم يخالف
أو يصرّح بالسقوط
ليه عنايه لناس بسوط
والغلابه أما نفضى ابقى فوت
بس ممكن بالتابوت
وانته عارف فين مكانك
إوعى تتعّدى الخطوط
حتى موتنا فيه خطوط
والرعايه بالسِمات
أولاد ذوات لِيهم مكان
واحنا نفطس فى البيوت .

أحمد الصاوي مصر

 ٥ / ٦ / ٢٠٢٠