دموع ودموع
نعم هما كانوا دمعتين
إتخدعت فيهم الاتنين
صدقتهم وحنيت أوام
والدمعتين كانوا كدابين
وإتحديت الكل عشانه
وحطيت نفسي مكانه
وبقيت أحلم وأنا صاحي
وبقيت أصدق كل كلامه
وكل ما يبكي أحبه زيادة
وإتعودت أسامح كا العادة
يبكي وعليا أصالح
دموعة بتوجعني بزيادة
دموعة لايقة على وشه
وقلبي كان بيته وعشه
كان كداب وحبه عذاب
لكن أنا ما أقدرش أغشه
حبيته وما أقدرش عليه
كل ما يبكي أجري عليه
أمسح دموعه بإيدي
وأفضل أحايل بس فيه
جمال رمضان
ليست هناك تعليقات:
إرسال تعليق