تعالى يا حبيبي - الشاعر ياسر عياد

تعالى يا حبيبي

عدى هواك ..
وسألنى عليك

وأنا مش طايل حتى ..
أبص ف عنيك

هشوفك أمتى و فين ..
دا أنت نن العين

على طول مخاصمنى ..
و مزودها بدلعك حبتين ..

تعالى يا حبيبى ..

تعالى يا حبيبى وكفايه ..
متطولش البعاد

العمر بيجرى بيسبقنا ..
وحبنا ف بدايه الميلاد

لسه قدامنا مشوير ..
وطريق حبله طويل

تعالى نحارب المستحيل ..
ونخلي الحب جميل

تعالى يا حبيبى ...

أنا محتاجلك أكتر من الأول ..
وشوقي صبره مش زي الأول

نروح مع بعض للميه ..
و تسقيني حبه حبه ..
بحنان وشوق الأحبه ..

ونحلم ياحب بنفسينا ..
وشوقنا بيضلل علينا ..
وبينسينا اسامينا

تعالى ياحبيبي

مين غيرك بحر ..
و شط أمان ..

حلم أمبارح وبكره ..
بستناه بألي زمان ..

يغنيلي غنوة ..
فرط الرمان ..

بأنغام تسحرني ..
بأشواق وحنان

بقلم ياسر عياد