وثيقة الاعتذار- الشاعر محمد زايد

وثيقة الاعتذار

باكتبلك وثيقتي وباعتذرعن شئ بدر
لوكان بإيدي باعتزرأوكان فقلبي من شرر

لوكان في خلدي باعتذرانتي الكيان مهما بدر
وانا طفل من الصغرباسمع انينك زي المطر

واكتب انا اشعاري وكأني حاسس بالخطر
من زمن وانا متخفي في سكوتي صوتي بطر

ولماأشتدعودي وانصلب عرفت ان حقي بيغتصب
والكلمه في حلقي بتتنصب وحقي بالزيف مغتصب

ورغم ذلك باعتذر

عارف انك مظلمومه وبانصرك
باعتذرلك مش مني أنامن أخويا ومن ولادك

اللي ماصان الأمانه في حضرتك مايعرفش قيمتك
مايعرف حدودك ولايعرف معني الوطن

ولويعرف يقول خدوا المناصب والكراسي
خدوا حقي ف مراثي واتركولي وطن

باعتذرياأمي ياضلتي وسكني
يازرعتي وحبي
مهما يطول السفربي وانا الصابر كما أيوب

أروح واجي من الغربه علي حسك علي ندهتك

باعتذر

كنت انا الضله في المحن وانت السكن
لاعمري كنت الضد ع نيلك كنت المغنواتي لمواويلك

كنت البنا ومناول وكنت المقاول لأحلامك
انا الطوبه في جدارك انا الصوبه في فدادينك

وثيقتي بابعتهالك واعتذر

باسمع الندهه في عز البرد بازرع ورد واهديلك
ولام الشمس مش واضحه باقول لولادك

ولام القمر لوواضحه بانطقها في محرابك
حروف المدفي الإملابصححها في كراسك

واقول العلم نبراسي ورسم الخط علي ترابك
بنتعايق بتدريسه ياست الكل بنحبك

انا عارف وحاسس بتنهيدك مانا شاعر باحوالك
سنين عمري اللي عدي معاك حنين قلبك بيندهلك

يونسني في سما ليلك ولو حالك
باطول بالي انا وياك أمان روحك تناديني

باقول حاضر انا نيلك رنين قلبك يقويني
أدان الفجر يصحين

باعتذر

لكل شبر من أرضك لنيلك اللي انا منه
ونخيل أرضك اللي أنا ضله

للرسمه والصوره اللي مبتوره هتتصحح
ويجي اليوم ونعلن كلنا لقامتك

وثيقة اعتذار بقي ف حقك
ونصحح الصوره اللي مقلوبه

وتبقي الغالبه في الصوره.

محمدزايد