صوت الأنين
صوت الأنين ممكن يكون بسمه
راسمه لنا القسمه بتتولد
حتة بنت وحتة ولدعلي اعتابنا بتتولد
خط الولد في كراسته علم
لوحة رخام وسطرين قسم
رسمة فلاح سارح بسرب الغنم
وشمس علي شفايفها الأمل
من غير ندي ولا نداء تقول نعم
صوت الأنين خلفه بنت أو ولد
أرضنا حبله ومحضره الخلفه
علي ردائي ندائي بدون خجل
توزع علي ربوعها العمل
حبها مهد خمرها عسل
كام سوط علي جتة الكسالي
والعواله والنداله والملل
ولو ميزان العداله ينعدل
يطير الحمام وسربه ينعدل
مواطن أمن في الفيطان قمحه
والفول الحراتي ومحراتي فصحه
وضل محراتي ومراتي الفالحه
سبحة رمضان والفطاس والأضحي
تقسم علينا التوبه والفرحه
وتعلم الولاد لبسها الطرحه
كل القلوب من فرحها طارحه
أمل وسعاده تقسم الأهه والفرحه
ورش البخور علي جدران الأوليه
سحر البنات سكرنبات وأغنيه
تروي النبات شهد وحنيه
وجود الولاد للحصاد وفرح البريه
علي عتبات الموت انا وهيه
حرير القز وأوراق التوت سواسيه
صبح الصباح ومعايا تمسيه
أموت أنا ميت مره وتعيش هيه
لازم المشوار بالبني يكتمل
علي احجار الأمهات بنات جمار
وأولاد بالحب مضحيه فدائيه
ترسم صورة وطن بالفخار
تكتب في دفتر الاشعار،
أدان ومدنه ومحراب الأبرار
تصحيني اغطيها اعليها أوضيها
أموت فدا ليها
وصوت الأنين بيتولد وتحيا البلد
لسه المعاني بتتولد
أنين البنت وأنين الولد
وصوت الوطن لحن في قلوبنا
بيعلمنا قيمة البنت جنب الولد
محمد زايد
ليست هناك تعليقات:
إرسال تعليق