حتة وباء -الشاعر نبيل عبد الحليم

حتة وباء
عمل ارتباك
فرض الحجاب
 والطهارة
وحذر اختلاط
فيرس ضعيف لما امر
الكل بادر باستباق
شرع الالة من كام زمن
بيدعى فينا للنجاة
فين العبر
فين يابشر
فين الحياء
شعوب كتير اتعذبت
وكام سمعنا بدون حياء
مسلمين ادبحت
عشان بتذكر الالة
مسلمين اتغربت
 وفى كل اتجاة
تسمع انينها
 صوت عليل
بينادى ااااااه
منها سوريا
منها غزة
منهاليبيا
منها اليمن
منها العراق
وبلاد كتير
دول الربيع اللى فناة
والباقى لسة
مازال يقاسى معاناة
جيوش وسلاح ماتحمى دولة م اللى جاة
عابرات قارات
ماتقدر تمنع ممات
زلزل قلوبهم ربنا
وحرمهم ثبات
شعوب كتيرة اتعذبت
وأولادها ماتت
أطفال يتيمة اتغلبت
فى البرد باتت
الكل شايف م الفزع
الكل ساكت
الا ربك لما أراد
الظلمة باتت
حبل الوصال بين العرب
دا حبل عاتت
فيروس كورونا
للسواعد جة مشمر
ماسك ربابة ويا ناى
عمال يزمر
لكل ظالم يوقفة
عمال يدمر
لكل مسلم وحدك
يارب سلم
شفت حكمة ربنا
الكل يبعد
واللى ناوى ع الهلاك
هو اللى يقرب
وربك وحدة فى السما
هو اللى يعدل
مادام خلاص
 قلب البشر
للرحمه يعزل