انا راحل ،الشاعر فؤاد شمس الدين

انا راحل وكلي حنين
وجرحي في قلبي وحديّا

سمعت القلب يوم يوصف
كلامه ليكي مش ليا

غرام ينكتب دواوين
وسحره يداوي قلب حزين
تطيب الروح وتعشقه عنيّا

بعاتب لسه وبحاول
نكون في طريقنا سوا ماشيين
نرجع ضحكة منسيه

فاكر كل يوم عدى
بقول مع بعض هنعافر
وحلمي تمر أزمتنا

نحلق فوق ب أمانينا
ونلمس فرحة بإيدينا

كلامي صعب بس هنحاول
نعيش بكرا بلمتنا

ونحكي عن خواطرنا
ونحيي الليل ب قصتنا

لقيت الحب انا ف قربك
معاكِ نعدي شدتنا

 فؤاد شمس الدين