مكنش ليا - الشاعر محمد عبد النعيم

مكنش ليا 

ضحكت ِعنيه
لِيّا.
قلت أنا عاشق
ورسوله للغرام
لِيّا
ضحكة ِعنيه
وفرد إيديه
لِيّا
قلت أنا مشتاق
وبشوق وحِنيه
حيضمني أنا ليه
وحأضمه أنا
لِيّا
أتاري مش كل
اللي ضحكت عنيه
لِيّا
كان عاشق
ولا كل اللي فرد إيديه
لِيّا
مشتاق.
وقللي أحبك
رديت أحبك
أنا عليه
زي ما قالها هوَ
لِيّا
وجريت بشوق
الدنيا ليه
زي ما جري هو
لِيّا
أتاري كل ده
كان وهمك
يا ِعنيا
وعيشتني أنا فيه
والكلمة مكنتش
من ِصدقك
لِيّا
ولا من قلبك .
وحُبك مكنتش
أنا ِليه
وعرفت يا ناس
متأخر
بعد ما قلبي انجرح
منه
واتكسّر
إنه
لا حبني وهوَ
بتضحك عنيه
ولا اشتاقللي
لما فرد إيديه
لِيّا
ولا كنت أنا ليه
ولا كان الحبيب
لِيّا
مش كده يا اللي
كنت فاكرك
لِيّا
وكنت قلبي
وحياتي وروحي
وعنيا
رد عليا ..
مش كده
واللا إيه ..؟؟

محمد عبد النعيم

٢٠٢/٥/٢٥م