أنا فلاح ودا عملي
وفاسي ومنجلي أملي
بدادي زرعتي تكبر
وبدعِي ربنا تكتر
والبركه زايده مبترحل
وبناغِي البذره وبطّبطّب
زي الشوعرا مبتكتب
قصايد والحروف تغزل
رسايل من غرام تخبّل
وزي الأُم تتحمِل
بُكانا لما ندّلل
ونقسى عليها أو نجهل
ولما زرعتي تدبل
تصفر يا عيني أو تزعل
بدوخ وبداوي واتحمل
وتكبر زرعتي يا ابني
وفرح الدنيا مستني
حصادي وفرحتي تكمل
لكن يا فرحه ما بتكمل
لا سوق مفتوح بسعر اجمل
ولا تصدير ودا ألعن
ولو تيجي فى يوم تسأل
ليه الحُزن متفصّل
على الفلاح ومتأصّل
تلاقي أساتذه تتكلم
على الفاضي وبجمّل
والغلبان ميتكلم
زي الزرع متعلم
أخرس يا عين بيتألم
لصرف كتير بيتحمّل
ليست هناك تعليقات:
إرسال تعليق