انتباه ....
كلمه قالها ...جندى حر
وحد بيها الصفوف ...
كلمه قالها ....وطنى حر
يظبط بيها الخطى
لأجل ماتسير الخطاوى
لمبتغاه ...
كلمه قالها البطل ..
للى حاضر ....واللى غايب
واللى تاه. ...
نبتدى بيها المسير
الكل واحد ...فى اتجاه
ضرب البروجى ...وصحى
كل نايم ...
واللى غافل ...
واللى ساه. ...
ثابت .....انتباه ...
لازم كل وطنى ....
يصحى بدرى ...
يبتدى يومه ....
باسم الإله ....
اللى يدرس ....
اللى يبنى ....
اللى يزرع ....
اللى يحرس ....
شدحيلك يابطل ....
ارفع جبينك .....
للأمل .....
ثابت ....
انتباه ....
ألفين تحيه للجميع ....
للى شاب ...والشباب ....حتى الرضيع ...
اللى عاجبه يجئ ....يثبت ف الطابور
واللى مش عاجبه ....يخرج منه ....او يغور
الطابور ....
بيساعينا ف الوطن ....
اللى ف اخره ....
زى اللى قبله ف المحن ....
اصحى فوق ....
يللى تحت ...
ويللى فوق ....
النهارده ...ابتدا لينا الشروق
ابتدينا بالقناه ...
واللى ابتدا ....عمره ماتاه ....
ثابت انتباه ....
ثابت انتباه ....
كل الجنود ...
زى الأسود ....
يعرفوا معنى اللى فات
معنى تنفيذ الأوامر م السكات
معنى ممنوع الحركه
بعد الثبات ....
لأجل مالوطن ...بيشد حيله
لازم كلنا ....
نقرأ اللى جاى ...
واللى فات ....
ثابت انتباه ...
ثابت انتباه ....
ظل العدو ....
ف كل اتجاه ....
ليست هناك تعليقات:
إرسال تعليق