اقعد فى البيت
اقعد فى البيت ...واتكعبر
اقعد فى البيت ...واتطهر
واضحك ...اوعاك تتكدر
اضحك من غير... ماتفكر
الشمس هتطلع... بكره
تحميك وتدفى.... قفاك
والليل يمكن.... يتأخر
والورد هيوزع.... عطره
والطير هيغرد.....و اكتر
اضحك علشان.... تتصور
والصوره هنبعتها.... لكوثر
يمكن ترضابك.... يا أزعر
وهى فرصه نخلص.... من شكلك
نرتاح من وش..... مكشر
دا الفقر مصاحب.... تكشيرك
والنحس معشش.... ومسيطر
اضحك ...اوعاك ...تتكدر
اضحك ...من غير... ماتفكر
اضحك اهى ضحكه.... تفوت
ومحدش م الضحك.... يموت
لو مت. ..هتموت.... مبسوط
و حسابك ممكن.... يتأخر
دى كورونا من غير..... تقليه
مسلوقه وكلها.... مؤذيه
وعاوزاك تنسى..... و تتذكر
لو سبت البيت راح ....تاخدك
للقبر وساعتها .....اتشطر
اضحك اوعاك ....تتكدر
اضحك من غير..... ماتفكر
واقعد فى البيت.... واتكعبر
سعيد عزب
ليست هناك تعليقات:
إرسال تعليق