أحلفلك
أحلفلك زي ما هونت عليك هاتهون عليا
هخليك تقولي كفاية وتبوس كمان إيديا
إشرب من نغس الكاس اللي إنت سقتهولي
وأشوفك تبكي بدموعك ولا تصعب عليا
بس إفتكر إن عمري اللي فات ضاع عليك
وإفتكر إن قلبي اللي حبك كان بين إيديك
عملت إيه جرحته ليه عذبته ليه
هنساك وهنسى جمالك وهنسى جمال عنيك
هاتشوف بعينك ها أحب غيرك غصب عنك
أنا كنت فاكر إنك إنت مني وأنا كنت منك
وحياتك عندي لازم تندم على كل اللي فات
وتيجي تتحايل وتتمايل كمان وأبعد عنك
أنا اللي سلمتك قلبي ببلاش وإنت إفتريت
وطلبت منك إيه نظرة حنان قلت ياريت
وقلتلك خليك فاكر كل كلمة قلتها
وقفلت عيني على دموعي وكمان داريت
بقلم الشاعر / جمال رمضان
ليست هناك تعليقات:
إرسال تعليق