مين سعيد الحظ
من زمان وانا كنت شايفِك
أحلى من كل البنات
واحلى من عمري اللي جاي
واللي عدّى واللي فات
بس ماكنتش اقدر انطق
اواقولِك ...وكنت بس
ببص لعنيك
وامشي من سُكات
لماشفتِك دق قلبي
بس ما فهمتش عليه
اصل عقلي كان صُغير
ومن برآته قال لقلبي
يعني إنتَ قصدك إيه
يومها ماقدرتش
الاقي معنى
.... للي كان بيحصل
و إللي كنت بحس بيه
وكان لسان عقلي بقولي
اوعى تغلط
لَحسَن الكلام بيوصل
صح يابني...ولا إيه
اصله لسه كان زمان
فيه حاجة بنسميها عيب
الكل منه بيتكسف
يدّاري منه ويداريه
كان هم العيلة لما
بتربي عيالها يبقى كله فيها
متربي ....واديب
......أُُومال إيه
ودارت الإيام وكل واحد
منّا راح في حال سبيله...
مهو كل حاجة
في الدنيا نصيب
بس للأمانة
لسه بتمري بخيالي
و عقلي نفسه ....تشرحيله
والعقل ياما
بيودي وبجيب
وكل ماتمري في بالي
بس كان نفسي
تجاوبي عن سؤالي
مين سعيد الحظ
ده اللي كنتي دايما .... تكتبيله
نال مُناه... ياهل ترى
ولا نصيبه في حتة تانية
مهو أصل النصيب للي يشيله
بقلمي
إنعام قطناني
ليست هناك تعليقات:
إرسال تعليق