رحمة
في وسط التوهه
وسط الزحمه
يجيلك من رب العباد
رحمه
نور ينور عتمة ليلك
يهدي روحك يبقي
دليلك
لطريق الرضا طريق
الرحمه
يجي رمضان يطبطب
علي قلبك
يحيه تاني رحمة ربك
وبليلة قدره ربك قادر
يفرح قلب عباده
ولكسورهم طبعا جابر
علق نور بيني وبينك
ويافرحة رمضان يلا
فينك ؟؟
وحشنا قيام لياليكي
وحشنا البكا والدعاء
فيكي
الله أكبر شهر التوبه
شهر الرحمه
يمحي ذنوبك يامحلي
الفرحه
فيه اللقمه حلوه هنيه
القليل فيها يكفي ميه
طبق الأكل طالع نازل
بيني وبينك والله ياجاري
بلي التمر يا أمه ياغاليه
وافرح ياقلبي ليالي
الرحمه جايه
تداوي قلوبنا تمحي
ذنوبنا
وبتراويحه يفرح قلبك
يغسل بالدموع نفسه
يركع يسجد ويحمد
ربك
الله أكبر بكينا وتوبنا
يارب بيض برمضان
ثوبنا
ويارب بلغنا رمضان
لسنين تاني كتير جايه
بقلمي / مي ابراهيم القاضي
ليست هناك تعليقات:
إرسال تعليق