ياحظ ليه تقلان
ع إللي عاش غلبان
مش برضو دا إنسان
والّا إنت أعمى العين
بتكُب ع المليان
يا حظ ليه تنساني
ف الحلم والأمانى
وتروح لواحد تانى
ما احتاجش مرة ليك
تدٍْيلو بالمجان
يا حظ يا ابن الأيه
الحق فين الاقيه
والعدل فين أراضيه
والكفة ليه بتميل
ضدى في كل ميزان
يا حظ ليه ترمينا
في بحر ما لهوش مينا
ما فيهش إلا سفينة
غدارة بترسينا
فوق شاطىء الأحزان
يا حظ ما تسيبنيش
طير بدون الريش
نفسه يطير ويعيش
والّا انت ناسي كمان
الإسم والعنوان
ليست هناك تعليقات:
إرسال تعليق