والله حرام دنا بداري بيها دمعتي
ضيعت عمري على ناس
راحوا لما لقوني وقعت في محنتي
بتحسدوني ما تيجوا مكاني وجربوا
شوفوا الجراح تعالوا هنا وإتدربوا
واتحملوا عذاب القلب والروح
بس ياريت تصبروا وإوعوا تهربوا
عايش حياتي بكتب وصاحبي القلم
بكتب عن حالي وقلبي اللي إنظلم
تعالوا بدالي يمكن تعذروني
يمكن تحسوا بيا وإيه هو معنى الألم
دنا بضحك في السنة مرتين أو تلاتة
والفرحة عندي ماشية بتعرج وتاتة تاتة
وبقيت وحيد عايش بعيد
وبقيت أشحت الحنان من الناس شحاتة
ليست هناك تعليقات:
إرسال تعليق