يارب
ولا بيبان غير وقت الجد
سد قوي ........ولا ينهد
في الشده صالب عوده
بيقويه سجاده وسبحه
ساجد راكع بيدعي بقلبه
يارب
هو المصري طبعا حصري
في عز وجعه خوفه وألمه
تضحك عينه ينور وشه
جامد قلبه بيك يارب
عارفه انه نصيبه هاياخده
والمكتوب بس ها يحصل
ايدي في ايدك نرسم
ضحكه نلون فرحه
رب الكون بالفعل حمينا
وبكتابه تنور ليالينا
صلي وكبر يلا استغفر
ادعي يا أمه وانتي ساجده
خلي قلوبنا تفضل جامده
ايدي في ايدك يلا يا اخويا
بيتي بيتك والله ياأخويا
بس تشاور بس تأشر
ساكت ليه يا أبويا مكشر
دا المكتوب خلاص متقدر
أرفع راسك عرفت تربي
ولادك ايد واحده وعزة
ربي
وقت الجد كتفي في كتفك
ساندك قلبي وبدعيلك ربي
تفضل جامد واقف جنبي
أزمه وغمه ومسيرها تعدي
ويجي رمضان
يفرح قلبي وقلبك
الله أكبر الخير يكتر
يلا نصلي ونفتح بيوت
ربي
الله أكبر بكره ها نفرح
أزمه وغمه مسيرها تعدي
ولا بيبان غير وقت الجد
سد قوي ولا ينهز ولا ينهد
هو المصري طبعا حصري
بس بقلبه بيبكي ويقول
يارب نجينا
وفك الكرب
يارب
يارب
بقلمي/ مي ابراهيم القاضى
ليست هناك تعليقات:
إرسال تعليق