كبسولة،الشاعر د.باسم موسى

كبسولة

من بره ليها جدران..

مقفولة..

ولا حدش عارف ايه جوه..

ولا حدش عارف قوتها..

هل ترى هشه..

زي القشة؟..

ولا دي صلبة زي الفولة؟..

أهي كبسولة..

بكفاءة وحكمة معمولة..

وأهي بتداري..

ايه جواها؟؟

ما حدش داري..

بالراحة وانت بتلمسها..

ممكن في جراحك تحبسها..

أو ممكن جواها مصيبة..

راح تلبسها..

اوعى تآمن للكبسولة..

مهما تبان جامدة ومقفولة..

غير لما تجرب تكوينها..

تتعامل وياها ساعتها..

بكل سهولة..

أو تبعد عنها وتسيبها ..

ما هو فيه كبسولة مليانة الخير بسيولة..

وكبسولة تانية جواها الشر عمولة.

د.باسم موسى