وعد
كان ما بينى وبينه وعد
إننا هنكون لبعض
فجأة واتغير كلامه
م السما اتحطيت فى أرض
عارفة إنه غصب عنه
وإن حبى ف قلبه فرض
واللى بينا لسه باقى
لسه حاسس باشتياقى
لهفتى وغيرتى وجراحى
ورجفة القلب اللى حب
لسه فاكر ضحكتى ولحظة كسوفى
لما كنت انسى فى وجوده
كل خوفى
لما كان بيحس حزنى من سكاتى
وأما بتكلم أو أحكى
عن ظروفى
عارفة إنه
عمره ما يفكر يخون
هو مهما هحس فيه انا من ظنون
بردو هيكون حب عمرى
وعمرى ما أنسى
إن حبه لروحى
كان شئ م الجنون
مش هسامح قسمتى
ولا حتى هرضى بالنصيب
أصل أنا عارفه اللى بينا
عمره ما ف يوم راح يغيب
اللى باقى من حياتى
هيبقى ليه
طوق نجاتى ف دنيتى
لمسة ايديه
غيرتى إنه هيبقى حق لحد غيرى
نار بتحرق روحى..... لكن
خوفى دايما من ضميرى
مش مجرد قصة وبداية ونهاية
دا اللى بينا كبير
وراح يفضل معايا
زى ما هيفضل فى قلبه
صورة من أصل الحكاية
جهاد أحمد
أميره الشرق
ليست هناك تعليقات:
إرسال تعليق