بدون رتوش
اتكسر القلم وبقى مغشوش
يقوم يعافر مع الحرف انه يلين
والحرف كأنه صلب وعنيــــــد
وايه فينا متكسرش ؟
لا الحقيقة هى الحقيقة
ولا الوشوش هى الوشوش
ميت ألف وش وش
وانت بتغشنى ولا نفسك بتغش
سكت واتقطع لسانك
خفت من اللى مر على جيرانى وجيرانك
وبقيت عويل فى أرضك
والنهاردة صوت آذان يستغيث بيك
وانت وشك فى الأرض ما بيترفعش
آآآآآه من كلمة اتكسرت فينا
والحق بقى لغيرنا مش لينا
والغربة مش بس برة
الغربة اتخلقت فى أراضينا
على فين رايحين بسُكتنا
ولإمتى الباب هيكون مقفول علينا
جايز اللى فتح الباب يوم على غيرنا
يستبيح النهاردة ديارنا ويحجر عليهاو علينا
واللقمة إللى فى ايد عيالنا
ما نقدر بكرة نكفيها
كان زمان يقول إيد على ايد تصقف
وإحنا كسرنا إيدينا بإدينا
صقفنا للى بعنا فى يوم
واليوم بنحصد رقص الغوازى فينا
ومشينا ...................
والكلمة الخرسا بتنطق بس بنبص حولينا
حد سمعنا .......شششششش
انكسرنا
انكسرنا
ومش بإدينا
ان كنت خايف ....ما تلومش غير خوفك
لو إنك عارف إن اللى فوق هو اللى حمينا
كنت نطقت وقلت كف يا دنيا يا ظلمة ايدك علينا
انت بعت فى أرضينا
بس صوت الدين هيفضل يجلجل فينا
وان كانت التراويح صوتها سكت فى جوامعنا
ألف بيت وبيت يتغنى بيها
مدد مدد يا خالق الخلق حط الخير فينا
وشد من علينا صمت الضعف اللى راكب علينا
وخلى الصوت يعلى وينصر اللى باقى من الكرامة فينا
صفاء السكوت
ليست هناك تعليقات:
إرسال تعليق