طالق يا هوى
وعد مني لأخليك تتمني كلمة حبيبي وما تسمعهاش
أنا ياما كنت بقولهالك كتير وكانت كمان ببلاش
إستهترت بحيرة قلبي وحبي ليك
أنا أدامك زي ما أنا لكن كلمة بحبك ما هاتطولهاش
هقولها لأي حد غيرك لكن إنت بالذات مش قايل
نفسي وحلمي أشوف دمعك على الخدود سايل
دا إنت وريتني العذاب ألوان
بقيت أصالحك وأسامحك وإنت الغلطان وأتحايل
أنا كنت فاكر إنك ها تفهمني وتحس بكلامي
لقيتك عشقت دمعتي وعشقت كمان آلامي
وانا اللي كنت بقول لنفسي إتحمل
وخليتك ملكت القلب والروح وسنيني وأيامي
جاي النهاردة تعتذر وتقولي إنك بقيت معايا
بعد إيه بعد ماكل حاجة حلوة ماتت جوايا
أنا كما إتغيرت ونسيت الحب وسنينه
وطلقت الهوى بالتلاتة والهوى مابقاش هوايا
جمال رمضان
ليست هناك تعليقات:
إرسال تعليق