لون حنانك
ازرعيني جوه قلبك ورده
بيضا حمره صفره أي لون
ولونيهم صبر عمري
يكون حنون لون حنوون
نفسي اعرف للحنان دا لون
كنت باشعر بيه كتير
كل مااكبر شويه احس بيه
بس مااقدرتش اعرف لونه ايه
ممكن وبحنانك تلونيه
تفهميني ازاي تجمعي اللون عليه
كنت باحس انه بلسم
من غير مااعرف لون البلسم دا ايه
كنت باشعر ان الحنان دا وشايه
واسال واسال ياعني ايه وشايه
طب لون الوشايه إيه
حاجات كتير عن الحنان تايهه مني
كان لون الأم هو لوني وهو فرحي
وكان طعم الحنان منها كل لون في قلبي
ولما اتفارقنا وغادرت بيوتنا
بادور انا لوني ايه
وطعم الحياه بعده ايه
ازرعيني جوه قلبك ورده
وقوليلي يانجاة الحنان دا لونه ايه
محمد زايد
ليست هناك تعليقات:
إرسال تعليق