اكتبك ياشعر
اكتبك ياشعر دنيا...للى يحسك دنيته
اكتبك يا شعر فرحه .. للى يحسك فرحته
اكتبك يا شعر حكمه للى يحسك حكمته
اكتبك شعاع للى يشوف بحورك شمعته
....
اكتب الشعر بحلاوته ..وبقساوته
وبحنانه ..وبجنانه ,,وبرضاه
اكتبك يا شعر ولو جوايه الف اه
اكتبك غنوة امل ولحن يمسح دمعتى
اكتبك تبقى تاريخ وبيك اسجل خطوتى
اكتبك شرح لظروف ..وقت فرح ووقت خوف ..ووقت حب ,,ووقت ضيق
وقتها بحسك رفيق ..وكمان رقيق
احكيلك تسمع حكايتى للنهايه
ومهما توجع كلمتى ,,قلبك كبير .ولا عمرك بتقاطع كلامى ولامره بتراجع ورايه
اكتبك مولود جديد /مش فارق شقى او سعيد
اللى يفرقلك معايه انى حابك من البدايه
ايوه حاسك حضن دافى شايل همومى
متحمل معايه ف كومى
ومهما كان كوم الهموم كبير عليا شايل معايه ..عارف ليه يا شعر شايل ؟
لانك انت الحكايه ..
مش فاهمنى !
طب قولى مين اصلا فاهمنى
الكل من غير مايفهم كلمتى ديما ظالمنى
مجبور على الاقدار وعايش
بحب الحب وعشانه قالوا عنى طايش
مبشلش من الايام مهما جارت عليا
وربنا برحمته عنى كتير حايش
حايش شياطين الاذيه من طريقى
الكل ادامى فى حياتى يبقى خلى او صديقى
معرفش اكره اى حد فى دنيتى
حتى اللى ضيعنى واهدر فرحتى
معرفش اكره ايوه انا على طول مسامح
ولا احب ابقى لحد جارح
ولو حصل وجرحت حد بدون شعور
برجع اطيب خاطره لحين ما يرضى
واعتزل بحر الحياه واركب بحورك
وسفينتى هيه الورق وقلمى مجدافى
بتاخدنى ف احضانك .حسيتنى عنوانك
مهو اللى بيشوفنى ..بيقول يا شاعر
ونسيوا ان انا عايش على نبض احسانك
يا شعر يا مالكنى .ومن يدى دى ماسكنى
اوعاك فى يوم تبعد وف همى تتركنى
دا انا اللى بيك عايش
ومن غيرك بكون كما جدار بايش
...
يا شعر يا موزون ..فيك البكا مضمون
خلينى يوم اكتب كلام يريح فؤادى
مش بس للاحزان ..او حتى لبلادى انا نفسى اعيش الفرح ملو الفؤاد والروح
انا اصلى عشت كتير بين القلوب مجروح
ولمين غيرك احكى واروى قصايدى وابوح
هبوح بصبرى معاك .والصبر عنوانى
مع انه طول قوى ولسه ما دوانى
لاكن يهون الالم طول ماانت ويايه
ياشعر ماللى الورق مش بس جوايه
انا هكتبك يا شعر
تذكار لبعد الرحيل
واشرح حياتى فيك
واكتب غنا ومواويل
لجل اللى يقراك
يوم يفتكر اسمى
ويقول صاحب الكلام
مكنش عمره عويل
وف وسط بحر الشعر
عاش صب
بس قتيل
...
ابراهيم بدر
ليست هناك تعليقات:
إرسال تعليق