لما عجزت ووصلت السبعين
- لما عجزت ووصلت السبعين
- طبعا عايزه أيد تسندني
- بس فين القي قلوب
- تحن علي وتحس
- ست كبيرة مين يرحمها
- ياأهل الارض ماكان لي زي
- كنت أدب علي الارض
- تطلع ميه مالها حد
- كنت أشيل أحمال بالكوم
- ولا كان حد يمد يساعد
- لما كبرت راح الحيل
- والصحة ضاعت ياأخواتي
- أنا خلفت عيال كتير
- وأتمنيت يكونو رجال
- شلت كبرت أنا ربيت
- بس الدنيا بتغير الناس
- أنا جوزت وأنا الي إخترت
- قولت أجيب بنات أصول
- لما أكبر أتسند عليهم
- ربيت لعيالي عيالهم
- كبرت وداديت ومشيت
- كنت أمسك بأديا أيديهم
- وأقول كل يوم تذيد
- كنت أفرح وأنا حوليهم
- ألمهم وأحكي أنا ليهم
- كنت يابنت إبني غزاله
- جدك كان يتمني وصالي
- كنت أرفع وأشيل وأحط
- ولا يوم أشكي ولا أكل
- جدتكم كانت شديدة
- حتي الهم مقدر عليها
- كانت تضحك وسط الناس
- والكل يستني لقاها
- جدتكم خفيفة الدم
- مش بتباهي ولا اتغر
- انا كنت اسمع واطنش
- واضحك علي زعيق الناس
- واقول بس دي دنيا فانيه
- هلكين نفسكم وخلاص
- مرت ايام وسنين قوام
- كبرالواد وكبرت البت
- وكبرت انا كمان
- يادي الهم مش عارفة انام
- و جع فعضمي وفي عنيا
- عجزت بسرعة ياخيه
- اه بادنيا يابت الكلب
- سرقتي ضحكة هنيه
- الواد انادي عليه
- يقولي مالك عايزه ايه
- كنت زمان تتمني رضايا
- ولما كبرت بتدعي بموتي
- هو العجز حمل تقيل
- مانت كنت حمل علي
- عمري مكليت ولا مليت
- كنت كل متتعب في
- اقول يكبر ويحس بي
- كبرت انا ياولدي خلاص
- مش قادر تهتم بي
- عجزت وبتدعي علي
- طيب اقولك روح يا غالي
- مش حزعل منك من تاني
- انا عارفة حملي تقيل
- هو بس ربي يشيل
- ويريح جسمي التعبان
- ويستر ضعف الانسان
- كل يوم ادعي واقول
- يارب متحوجني لغيرك
- بس ياولدي عز علي
- ان ولدي يدعي علي
- يلا ياولدي ايه حنقول
- كاس علي الناس بيدور
- والصغير بكري يكون
- عجوز وعياله تدعي عليه
- بقلمي إكرام خليفه
ليست هناك تعليقات:
إرسال تعليق