عرس الشهيد
الشمس طلعه في السما
الوقت ضحا
صحا من نومه هاتي الفطار ياامه
بصي واتملي فيه واشبعي
ولماافطرحضريلي الشاي وزعردي
وقولي ام الشهيد والنبي
وانا شهيد تحت الطلب
اسمعيني وطرقعي الودان
وساعة الأدان بكره هاطلبك
مسافر الصبح ياامه واشهدي
هيزوفوا العريس وهتبقي ام الشهيد
والزفه ماشيه امانه عليك لتزعردي
زفة عريس وهتبقي ام الشهيد
لسالي غدا وعشاافرحو ا
وتملوا بيا يااخواتي وعاوزكم تنجحوا
اخوات الشهيد
مالك يامحمد متشائم كدا
صدقوني شامم ريحة الشهاده
بتناديني
ومحمد وديني من اسبوعين
زميلي شلته وكان شهيد
وسابلي رساله ...وقالي
ماتطولش مستنيك اخ وصديق
من يومها وعرفت السر فين
الوقت كان ليل سمعت صوته في السما
تعالي يامحمد طريقنا هنا
شيل الأمانه بعدناوقريب هاتحضن شمسنا
عارف من ساعتهاالدور عليه
وهيا سينا مش دمنا
اموت لجل الوطن لحن الدفا
ولحن الخلود والوفاامانه يااما تزعرتي
زفه شايفها كل الخلايق
وانا جاي ياما ماليه الشوارع
ووقت الصلا جاي في تابوت
هايوروكي وشي هابتسم
هاسمع كلامك وابتسم
الدنيا هتبقي فرح وموسيقي عسكريه
واناشيد وزمر والناس تكبروتقول
لا إله إلا الله الشهيد حبيب الله
كفايه عليه الجنه ياامه
ولما تيجي بعد عمرك
هاتلاقيني واخدك في حضني
كل اللي ماتوا من اجلنا
وجاي دوري ومصر امنا
بتأمنا ولازم ندافع عن أرضنا
بكره ساعة الأدان اتصلي بيا
مستني منك احلي صوت وبعدها
متنتظريش انا جاي جاي وافرحي
اتملي مني قبل السفرساعات واسافر
وممضي علي توبي الشهاده
بلاش يواد معانده بزياده
انتي الكبير وابوك توفي
خلص رسالتك مستنياك
العمر الطويل بلاش تبشر
يااما البشري وصلاني بزياده
اتاكدي واستعدي ياام الشهيد
وبكره هايعدي ويوم وراجع
ملفوف في علمي وزفة عريس
طالب الشهاده
محمد زايد 17/3/2016
الله عليك استاذنا وكفى بوصال الحرف ابداع
ردحذف