تُهمتك إنك شريف
تُهمتك إنك شريف
رغم انه هو سرق الرغيف
وعاملي فيها أيادي بيضا
وضمير نظيف
وقال يعني قلبه ع البلد
وكأنه فيش غيرهُ اتولد
وعامل كمان صقر واسد
مع إنه اسخف م السخيف
على مبدأك خليك ياصاحبي
خليك قوي تبقاش ضعيف
دا الأصل إنت في البلد
هُوا... .يادوب حِتة ولد
وشايلهُ سيف
وخيال مآته .. على طرف عود
عُودهُ مهزوز وخفيف
خليك قوي تبقاش ضعيف
دا أنت أصل الصورة إنتَ
وهُوا نسخة مزورة
كدّاب كبير وكله زيف
معلش يابني أكيد حتفرج
وغيمتنا ح تمطّر في يوم
مهو قبل الشتا لازم خريف
انعام قطناني
ليست هناك تعليقات:
إرسال تعليق