سألوني عليك
لو سألوني عليك قلبي وعيوني
هقول ياريت في حالي تسيبوني
هكدب والا أخبي والا هقول بس إيه
ما خلاص كل اللي حبيتهم نسيوني
كانوا بيقولوا كلهم إنهم بيعشقوني
ووعد منهم إنهم ما ها يجرحوني
وغصب عني صدق أنا كل كلامهم
معرفش أبدا إنهم ها يعذبوني
كنت حاسس بغدر منهم من البداية
بس إنكسفت وبصراحة أقول كفاية
وفضلت صابر وأقول مكتوب
لحد.ما ماتت كل حاجة حلوة جوايا
أقول لقلبي وعيني وعقلي الحقيقة
إن عيونهم كدابة وما كانتش بريئة
والا أسكت وماردش عليهم
وأسيبهم يسألوني كل ساعة ودقيقة
جمال رمضان
ليست هناك تعليقات:
إرسال تعليق