من الشبه أربعين
يفيض بيا الزمن ونعده
سنين العد والرحله ماتعده
طالت في الدنيا ومستوره
وياما لبست كستورها وهمه
وعيني دمعهامابينشف ولاضيها ابدامابينصف
وخالي الفكرمابيوصف جدارن البيت تقول وصفي
وانا نايم اوصاحي من صفي
جدار الحيط في ليل فكري
وسقف البيت بنور حلمي
مكمل قولي وبيشهدعلي ظني
بنورحيران وهوابيهدجوه البدن مليون هد
سنين العمرنازله في عد
أنام تعبان لاطول ولاعرض
امد الخط للآخر يرده الريح
واكتب علي الأمل طارح يبات ساكت بدون الفرح
أعليي فيه وانا سارح
يودي الطرح في مطارح احل اللغزميتحلش
يكونش شبهي ميتعدش
وأسال مين كدا شبهي
يامضيعين الحظ طحنتوني
الراحه حلم بانده وماتجوني
كام م الأربعين كدا شبهي
بزمتكم كلكم شبهي كل قلوبكم بتشبه بعض
ومن بعد خيركم نبص لبعض
ومين هايعض ع الدنيا
وياخد حظ م التاني بالرضا
ومين راضي بالقسمه والهنا
ومين كان في يوم جعان بأوصافي
ياللي نسيتو القسمه من ربي
واللي بيتقاسموا موالي،!
دالقلب اللي مايشعر أكيدخاين
ومين بيحس وبيشعر الداين
وكلنا مدينين بالحق ومدايين
مداين بتنور طريق الحق في الراين
وانا هنا لاحق ولامطلب ولا حتي متداين
انا الجثه اللي بتعفن كدا حيه
لاليها امل ولاحتي متعافيه
لاصوتي واصل ولا حتي تكون واصيه
انا ضله مايله في مصاطب
علي حروف العله بنتعاتب
إحنا من جدار الطوب علي المعطوب
نواسي بعض في مصاطب
بليل بائس علي جامع ميجمعشي
وفي وسط الصحرا مايسمعشي
مدهون بنهار أبيض ولاذكري
لمن صلي فروض الطاعه من عاصي
ياقوالب الطوب إشهدي ضدي
مين في الأربعين كدا شبهي
إقروا الفاتحه علي روحي،!
ومين عدا الضحي في وضوحي
مين هادي ومين بالمرمايتهد
ومين بايع ومين شاري كاره العد
ياشبهي كداماتعدوشفني اناالغالب ولا معتد
إمتي أبات غالب وكل يوم مغلوب
وإمتي جدار حيطتي يبات مهدود
واناجواه نايم هاتعرواالبدن والتوب
بعد اللي بان مني ..
خلاص لنا عاوز شبه قربت اتوب
أعزرني ياشبهي انا السرسوب
العين اللي اتغيرت تحب القطره
وتمشي دايما علي الفطره
لوالرياح هاتعود
ولولا حرقة العين في المدمع
والقلب اللي كان مطمع
لمشينا بالمقلوب
غراب ومسك منديل بيهفهف ودمعه يسيل
علي ايه نعيش فقره
ونعمل لأرضنا في سبيل
وزعوني بالفكه وخلوا الجناح دا أسير
رقعه في توب البدن عاته
وتوب اليأس مع المحابيس
ولوافتراض الشبه خلوني حتي امير
يغير كل اللي يشبهني ولو في شهور امشير
أمشير خلص وربيعنا لسه عسير
كل يوم مية حاله والقلب مالو مصير
وكورونا مزوداهابدل العياراتنين
ماتأخذوني
يخلق من الشبه أربعين
محمد زايد
من ديواني صرخة شاعر
روااااائع سلم قلمك شاعرنا
ردحذف